اگر آپ فوٹوگرافی میں دلچسپی رکھتے ہیں اور اکثر اوقات کیمرے سے اچھی آرٹسٹک تصاویر بنانے کا ذوق رکھتے ہیں تو چند ایک بنیادی باتوں کا آپ کو علم ہونا ضروری ہے جن کا ہم آگے جا کے تذکرہ کریں گے۔ سب سے پہلی بات کہ آپ کے پاس کیمرہ کون سا ہے ۔۔۔ آج کل ڈیجیٹل، ایڈوانس ڈیجیٹل، ایس ایل آر اور ڈی ایس ایل آر کا دور ہے۔ ڈیجٹیل Point n Shoot کے لیے ہیں جس میں تقریبا فنکشنز آٹومیٹک ہوتے ہیں جس کیوجہ سے آپ ان فنکشنز کی لمٹ سے باہر نہیں جا سکتے۔ DSLR پروفیشنل کیمرہ بھی کہلاتے ہیں۔ اس میں آپ کے پاس کافی چوائسز ہوتی ہیں ۔۔ مثلا ضرورت کے مطابق لینز تبدیل کرنے کی، اپریچر، شٹر سپیڈ، فوکل لینتھ اور ایکسپوژر وغیرہ پہ کنٹرول ۔۔۔۔۔ مطلب جتنا گڑ ڈالتی جائیں اتنا میٹھا کرتے جائیں۔

ایکسپوژر کے استعمال سے تصویر کی خوبصورتی میں اضافہ ہوتا ہے اسکا مطلب ہے آپ اپنی تصویر کے لیے کتنی روشنی لینا چاہ رہے ہیں یا آپ جو مخصوص تاثر دینا چاہ رہے ہیں اسکے لیے کتنی روشنی (کم یا زيادہ) درکار ہے۔ جب آپ آٹو پہ ایکسپوژر سیٹ کرتے ہیں تو کیمرہ خودبخود شٹر سپیڈ، اپریچر اور ISO سیٹ کرتا ہے۔ جیسے اکثر نائٹ موڈ، ڈے موڈ، غروب آفتاب، سپورٹس، لینڈ سکیپدےmode سے آٹو میٹک ایکسپوژر ملتے ہیں۔ اوپر موجود (بگلے والی) تصویر پر غور کریں۔ بائیں والی تصویر نارمل ایکسپوژر پہ ہے اور دائیں والی تصویر اپنی مرضی کے ایکسپوژر پر ہے۔ تکنیکی طور پر بائیں والی تصویر درست ہے لیکن دائیں والی تصویر خوبصورت اور attractive ہے۔ کیوںکہ ہم بگلے کو ایکسپوز نہیں کرنا چاہ رہے تھے بلکہ ہم غروب آفتاب کو ایکسپوز کرنا چاہ رہے تھے۔ سو ہم نے روشنی کو کنٹرول کرتے ہوئے کم روشنی لی اور غروب آفتاب کو اہم اور خوبصورت کر کے دکھایا اور پرندے کی مخصوص موجودگی نے اسکی خوبصورتی میں مزید اضافہ کر دیا۔ بہترین ایکسپوژر وہ ہوگا جو آپ کی کھینچی گئی تصویر کو خوبصورت بنا ئے۔

اپریچر کے مختلف پہلو جب ہم اندھیرے میں آنکھیں پھاڑ کے دیکھ رہے ہوتے ہیں تو اس وقت ہماری آنکھ کے لینز کا اپریچر پتلی کی مدد سے پورا کھلا ہوتا ہے تاکہ زیادہ سے زیادہ روشنی اندر جائے اور عکس واضح ہو۔ یعنی اپریچر کیمرے کا وہ پارٹ ہے جو یہ کنٹرول کرتا ہے کہ کتنی روشنی کو سینسر تک جانے دیا جائے۔اپریچر جنتا زيادہ اوپن ہو گا اتنی روشنی اندر جا سکے گی اور اتنی تصویر روشن ہو گی۔ فوٹوگرافی میں اسکی پیمائش الٹی گنتی سے ہوتی ہے۔ جیسے f-22 کا مطلب ہے اپریچر بہت ہی کم کھولا گیا ہے اور f-3.5 کا مطلب ہے اپریچر وائڈ اوپن ہے۔اپریچر کا دوسرا اہم کام ڈیپتھ آف فیلڈ Depth of Field یا فوکس رینج ہے۔ یعنی امیج کتنا شارپ یا دھندلا Blurry ہو۔ زیادہ اوپن اپریچر کی DOF کم ہوتی ہے اور کم کھلے اپریچر DOF یا فوکس رینج زیادہ ہوتی ہے۔ مثلا مجھے ایک بندے کا چہرہ شارپ اور پس منظر دھندلا دکھانا ہے تو میں اپریچر کم F پہ رکھوں گا یعنی زیادہ کھولوں گا ۔۔۔۔۔ اور اگر مجھے ایک وسیع لینڈ اسکیپ دکھانا ہے تو میں اپریچر کو زیادہ F پہ یعنی کم کھولوں گا۔

آئی ایس او کی ٹرم خواہ مخواہ بن گئی ہے یہ کوئی مخفف نہیں ہے۔ پرانے فوٹوگرافر I-So کہتے تھے اور اب ہر کوئی آئی ایس او کہتا ہے۔ ISO سے آپ سوفٹ ویئر کی مدد سے کیمرہ کا ایکسپوژر کنٹرول کرتے ہیں۔ زیادہ ISO مثلا 1600 کا مطلب ہے زیادہ روشن تصویر اور کم ISO جیسے 100 کا مطلب ہے کم روشن تصویر۔ہائی ISO کا مسئلہ یہ ہے کہ اس سے تصویر میں ذرات grains نمایاں ہو جاتے ہیں مگر نیو ایڈوانسمنٹ میں اسکو بہتر سے بہتر بنانے کی کوششیں جاری ہیں۔ نیچے ISO والی تصویر پو غور کریں ۔۔۔۔۔ آپریچر اور شٹر سپیڈ دونوں میں ایک جیسی ہے مگر بائیں والی تصویر کا ISO 800 ہے اور دائیں والی اسی تصویر کا ISO 25600 ہے۔ اس سے آپ کو ISO کے استعمال کا اندازہ ہو رہا ہو گا۔ نیچے ایک تصویر دو پہاڑی بھیڑوں کی بھی ہے۔ آئيے اس کو سٹڈی کرتے ہیں اور پچھلی اقساط میں بیان کئے گئے بنیادی ٹولز کو اکھٹا کرتے ہیں۔ یہ دو پہاڑی بھیڑیں دراصل تیزی سے بھاگ رہی ہیں۔ فوٹوگرافر نے 600mm لینز استعمال کیا ہے (جسکی قیمت کوئی 11 لاکھ کے قریب ہے ) اپریچر f/4 پہ رکھا ہے مطلب زيادہ کھولا ہے تاکہ زيادہ سے زيادہ لائٹ سینسر پر پڑ سکے ۔۔۔۔ شٹر سپیڈ 1/1000 مطلب بہت ہائی رکھی ہے کیونکہ بھیڑیں تیزی سے بھاگ رہی ہیں وگرنہ موشن بلر پیدا ہو جائے گا ۔۔۔۔ اب جب شٹر سپیڈ اتنی تیز ہو گی تو روشنی ایک سیکنڈ کے 1000 حصے میں سینسر تک جائے گی اور شٹر ساتھ ہی بند ہو جائے گا ۔۔ مطلب تصویر بہت ڈارک ہو گی ۔۔۔۔۔۔ یہاں پر ہائی 640 ISO کا استعمال کر کے اس ڈارکنس کو کنٹرول کیا گیا ۔۔۔۔ اور لمحہ قید کر لیا گیا۔

بہتر فوٹوگرافر بننے کے لیے ضروری ہے… 1-کہ آپ کو پتہ ہو آپ کیا چاہتے ہیں اور ساری توجہ اس لمحے کو قید کرنے پر ہو 2-اپنی آنکھوں سے اپنے ذہن میں مختلف کمپوزیشن بنائيں۔ 3-آپریچر پر کنٹرول ہو جس سے فوکس رینج بنتی ہے۔ 4-ہمیشہ تیار رہیں کیونکہ قیمتی لمحات بڑی تیزی سے آتے ہیں اور تیزی سے گزر جاتے ہیں۔ 5-ایکسپوژر کی تکون (اپریچر، شٹر سپیڈ اور ISO) کے تصورات آپ کو واضح ہونے چاہیں۔ 6-ماحول میں موجود روشنی اور مصنوعی روشنی کا استعمال کرنا سیکھيے۔ 7-کیمرہ پر پکڑ مضبوط اور متوازن ہو۔ 8کیمرہ سیٹنگ کو چیک کرتے رہیں۔ 9-کیمرے کے لینز کی کیپسٹی کے بارے میں معلومات ہونی چاہیے۔ 10-اور آخری ایک ہی بات ۔۔۔۔۔ پریکٹس