صحت مندی کا راز

 یہ بوتل دراصل ایک انسان کی کہانی ہے۔
نیچے سفید تل ہیں
یہ ہڈیاں ہیں۔
خاموش، مضبوط،
ساری زندگی وزن اٹھاتی ہیں
اور بدلے میں شکوہ نہیں کرتیں۔
تل کہتے ہیں:
’’ہم ٹھیک ہوں تو انسان سیدھا چلتا ہے۔‘‘
ان کے اوپر بھورے السی کے بیج ہیں
یہ دل کی دھڑکن ہیں۔
خون کی روانی،
نسوں کی لچک،
اور وہ چکنائی
جو دل کو بوجھ نہیں بننے دیتی،
بلکہ اسے سہارا دیتی ہے۔
پھر تربوز کے بیج آتے ہیں۔
یہ گردوں اور خون کی علامت ہیں۔
صفائی، ہلکا اورمتوازن۔
یہ وہ خاموش مددگار ہیں
جو جسم سے فالتو نمکیات،
گرمی اور غیر ضروری بوجھ نکالتے ہیں ۔
تربوز کے بیج کہتے ہیں:
’’جب فلٹر صاف ہو،
تو پورا نظام ہلکے انداز میں چلتا ہے۔‘‘
پھر آتے ہیں چیا کے ننھے بیج۔
یہ آنتیں ہیں
یہ ہاضمہ ہیں 
جو خاموشی سے زہر نکالتے ہیں 
اور طاقت جذب کرتا ہیں
چیا کہتا ہے:
’’صفائی اندر سے ہو،
تو چہرہ خود بولنے لگتا ہے۔‘‘
اس کے بعد آتے ہیں سورج مکھی کے بیج
یہ پٹھے ہیں۔
یہ طاقت ہیں ،
یہ وہ توانائی ہیں
جو انسان کو صبح بستر سے اٹھاتی ہے ۔
اورشام تک تھکنے نہیں دیتی ۔
سب سے اوپر کدو کے بیج ہیں
یہ دماغ ہیں۔
نیند،یادداشت،
اور وہ سکون
جو آج کے شور میں نایاب ہے۔
کدو کہتا ہے ہیں:
’’اگر دماغ پرسکون ہو،
تو زندگی آسان لگتی ہے۔‘‘
یہ کوئی سپلیمنٹ نہیں،
یہ انسان کا نقشہ ہے۔
قدرت نے
ہر حصے کے لیے
ایک دانہ رکھا ہے۔
بس ایک شرط ہے…
تسلسل۔
کیونکہ صحت
ایک دن کا فیصلہ نہیں،
بلکہ ہر روز کا انتخاب ہوتی ہے۔
چیا کے بیجوں کے علاوہ باقی تمام بیجوں کو ہلکا سا کوٹ لیں اور نرم، گیلی کھجور کے ساتھ ملا کر لڈو تیار کریں۔ کمپاؤنڈ چاکلیٹ کو پگھلا کر اس میں مذکورہ بالا بیج شامل کرکے مزیدار چاکلیٹ بنا لیں۔البتہ چیا کے بیج بھگو کر استعمال کرنا بہتر سمجھا جاتا ہے۔اپنی صحت کا خیال رکھنا، دراصل اپنی پوری فیملی کی صحت کی ضمانت ہے۔
اپنا خوب خیال رکھیے۔

٭ ٭ ٭

Comments From Facebook
اگر پسند آیا تو لائک ضرور کریں:

0 Comments

Submit a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

اگست ٢٠٢٦