حجاب پر گفتگو کے دوران بدتمیزی پر جرمانہ

حجاب کے بارے میں نازیبا الفاظ کے استعمال اور اس کو دہشت گردی سے جوڑنے پر ضابطۂ اخلاق کی خلاف وورزی اور معاملے کو فرقہ وارانہ رنگ دینے کی پاداش میں نیوز براڈ کاسٹنگ اینڈ ڈیجیٹل اسٹینڈرڈز آتھوریٹی نے نیوز 18 کے اینکر امن چوپڑا پر پچاس ہزار روپے کا جرمانہ عائد کیا۔

(بحوالہ:ویب سائٹ’’دی وائر‘‘(انگریزی)،26 اکتوبر 2022ء)

رقم اکٹھی کرکے خواتین نے قرآن کریم کا ترجمہ تقسیم کیا

مہاراشٹر کے جالنہ میں خواتین نے اپنے مالی تعاون سے قرآن کریم کا ترجمہ تقسیم کیا۔

مرسلہ:عمارہ فردوس خان (جالنہ،مہاراشٹر)

محمد مانک نے سیلاب کے دوران دس افراد کی جان بچائی

مغربی بنگال کے جلپائی گوڑی ضلع میں دُرگا پوجا کے موقع پر مورتی بہانے کے دوران آئے سیلاب سے محمد مانک نے اپنی جان پر کھیل کر دس فراد کی جان بچائی،مانک کے ذریعہ بچائے جانے والوں میں تین خواتین اور تین بچے بھی شامل ہیں۔

(بحوالہ:ویب سائٹ’’دی کوئنٹ‘‘(انگریزی)،8 اکتوبر 2022ء)

ان پڑھ خاتون شاعرہ نے نئی زبان تخلیق کی

کشمیر کی ظریفہ نامی خاتون شاعری کرتی ہیں،اور اب تک 300 نظمیں لکھ چکی ہیں،مگر پڑھی لکھی نہ ہونے کی وجہ سے وہ دنیا میں موجود کسی بھی زبان میں لکھنے پر قادر نہیں ہیں۔چنانچہ اپنی شاعری لکھنے اور اسے محفوظ کرنے کےلیے انہوں نے اپنی ایک نئی زبان تخلیق کر لی ہے،جو دائروں کی شکل میں لکھی جاتی ہے۔

(بحوالہ:ویب سائٹ’’بی بی سی‘‘(اردو)،26 ستمبر 2022ء)

لٹیرے سے بھڑ گئی خاتون بینک مینیجر

راجستھان کے شری گنگا نگر ضلع کے ایک بینک میں وہاں کی خاتون بینک مینیجر اپنے ہاتھ میں پلاس لیے نقاب پوش لٹیرے سے مقابلہ پر اتر گئی،جسے دیکھ کر بینک کے دوسرے ملازمین کی بھی ہمت بندھی اور بالآخر لٹیرے کو پولیس کے حوالے کر دیا گیا۔

(بحوالہ:ویب سائٹ’’بی بی سی‘‘(ہندی)،24 اکتوبر 2022ء)

6600 بوتل خون عطیہ کیا گیا

جماعت اسلامی ہند کی مہاراشٹر یوتھ ونگ نے بلڈ ڈونیشن کیمپ لگا کر 6600 بوتل بلڈ اکٹھا کیا اور سرکاری ہاسپٹل میں بطور امداد جمع کروایا۔

عادل مدنی (اورنگ آباد،مہاراشٹر)

[آپ کے شہر یا اطراف کی ایسی ہی کوئی بھی مثبت خبر ہو تو’’ھادیہ‘‘کو بھیج دیں۔اسے آپ کے نام کے ساتھ اگلے شمارے میں
اس کالم کا حصہ بنایا جائے گا۔-ایڈیٹر]

0 Comments

Submit a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

نومبر٢٠٢٢